न्याभद्वारा नेपाली राष्ट्रिय क्रिकेट टिमका पूर्वमुख्य प्रशिक्षक टमाटा सम्मानित

नेपाली राष्ट्रिय क्रिकेट टिमका पूर्वमुख्य प्रशिक्षक जगत टमाटालाई नेपाली क्रिकेटमा उहाँले पुर्याउनुभएको योगदानको कदर गर्दै न्याभले सम्मान गरेको छ। २०औं न्याभ कप समापन भएसंगै आयोजना गरिएको विशेष कार्यक्रममा टमाटालाई न्याभ अवार्ड २०२५ बाट सम्मानित गरिएको हो । आइतबार साँझ मेलवर्नमै आयोजित उक्त कार्यक्रममा न्याभका अध्यक्ष डा. एकिन्द्र तिमिल्सिना, भिक्टोरिया राज्यका लागि नेपाली वाणिज्यदूत नीराजन गौलीलगायतले नेपाली प्रशिक्षक हस्ती टमाटालाई सम्मान गर्नुभएको थियो ।

यो अवार्डबाट गत वर्ष नेपाल क्रिकेट संघका अध्यक्ष चतुरबहादुर चन्द, कीर्तिमानी खेलाडी दीपेन्द्रसिंह ऐरी र कुशल मल्ललाई तथा त्यसअघि पूर्वकप्तान पारस खड्कालाई सम्मानित गरिएको थियो । न्याभले अष्ट्रेलियाली दूतावासको रोहवरमा तीन वर्षअघि क्यानसँग गरेको सम्झौताकै निरन्तरताका रूपमा हरेक वर्ष नेपाली क्रिकेट व्यक्तित्वलाई सम्मान गर्दै आएको पूर्वअध्यक्ष प्रेमराज उप्रेतीले बताउनुभएको छ