रक्तदान गरौँ, कसैको जीवन रक्षामा सहयोगी बनौँ
‘रक्तदान, जीवनदान’, यो हामीले सुन्दै आएको कथन हो। यो कथनलाई काममा परिणत गर्ने अवसर आएको छ। रोयल वेस्टर्न क्लबले रक्तदान कार्यक्रम आयोजना गर्दै आएकोमा यसपटक अझ बृहत कार्यक्रमको आयोजना गरेको छ।
अष्ट्रेलियाभर देशव्यापी रुपमा आयोजना हुने यसपालीको कार्यक्रममा हामी (नेपलीज एसोसिएसन अफ भिक्टोरिया) ले सहकार्य गरेका छौं। त्यसैगरी पुण्यरुपी यो काममा एनआरएनए भिक्टोरिया र नेपलीज कम्युनिटी वेस्टले पनि सहकार्य गरेका छन्।
कार्यक्रममा इच्छुकहरुले रगत तथा प्लाज्मा दान गर्नेछन्। कार्यक्रम आगामी जनवरी २६, फेब्रुअरी १२ र १३ गरी तीन चरणमा हुनेछ। हरेक चरणमा बिहान ७ बजेदेखि दिउँसो ४ बजेसम्म रगत तथा प्लाज्मा दान गरिनेछ।
कसैको जीवन रक्षा गर्न, आफूले धर्म कमाउनका लागि यो भन्दा ठूलो अवसर अरु हुन सक्दैन। त्यसैले यो रक्तदान कार्यक्रममा सहभागी भइदिनुहुन हामी हजुरहरु सबैलाई हार्दिक अनुरोध गर्दछौं। हजुरहरुको सहजताका लागि तल दिइएको पोस्टरमा सम्पर्क नम्बर सहितको विस्तृत जानकारी उल्लेख गरिएको छ :
