न्याभको रजत जयन्ती समारोह सम्बन्धमा पत्रकार सम्मेलन सम्पन्न
नेपलीज एसोसिएसन अफ भिक्टोरिया (न्याभ)ले अप्रिल ३ तारिखमा रजत जयन्ती विशेष समारोह आयोजना गरेको छ। सो सम्बन्धमा न्याभले गत मंगलबार अर्थात मार्च १५ मा पत्रकार सम्मेलन सम्पन्न गरेको छ। रजत जयन्ती समारोहको मिडिया सम्बन्धि उपसमिति सदस्य निरु त्रिपाठीको संयोजनमा पत्रकार सम्मेलन सम्पन्न भएको हो।
पत्रकार सम्मेलनमा रजत जयन्ती समारोहको योजना, समारोहको महत्त्व, आर्थिक व्यवस्थापन लगायत विषयमा जानकारी गराइएको थियो। न्याभको २५औं वार्षिकोत्सव हालसम्म नेपाली संस्थाको अष्ट्रेलियामा भएको पहिलो विशेष समारोह बन्ने न्याभ अध्यक्ष राम गुरुङले जानकारी गराउनुभयो।
न्याभले रजत जयन्तीकै अवसरमा समारिका समेत विमोचन गर्ने भएको छ। उक्त स्मारिकामा न्याभको हालसम्मको यात्रा तथा प्रगती विवरण र आगामी योजना तथा कार्यका बारेमा उल्लेख गरिनेछ। त्यसैगरी, समारोहमा न्याभ एक्सिलेन्स अवार्ड कार्यक्रम समेत रहनेछ। न्याभको रजत जयन्ती समारोह थनबरी थिएटरमा आगामी अप्रिल ३, आइतबारका दिन हुनेछ। कार्यक्रम बेलुका ५ बजेदेखि राती १०:३० बजेसम्म संचालन हुनेछ।
रजत जयन्ती सम्बन्धि विस्तृत जानकारीका लागि कृपया निम्न लिंक हेर्नुहुन अनुरोध गर्दछौं :