रेडियो थन कार्यक्रम: सम्पूर्ण सहयोगीहरुमा हार्दिक आभार

मेलबर्नको नेप्लीज एशोसियसन अफ भिक्टोरियाको सबैभन्दा पुरानो र एकमात्र नेपाली रेडियो मेलबर्न चौतारीको गत महिना बिहिबार जुन ९ मा सम्पन्न भएको रेडियो थन कार्यक्रममा यहाँहरू सबैले आफुले सकेको सहयोग गर्नुभयो । हामीले धेरैलाई जोड्न र सम्पर्क गर्न सकेनौ कतिपय यहाँहरूले फेशबुकको माध्यमबाटै हामीलाई सिधै सम्पर्क गरि आर्थिक सहयोग पनि गर्नुभयो । धेरैजनाहरू छुट्नुभएकोमा कृपया अन्यथा नलिनुहोला । आफ्नो भाषा र सँस्कार बचाई राख्न पनि यस्ले एउटामात्र ईँटा थप्न सहयोग गर्छ कि ? भनेर यो प्रयास गरेका हौँ । सके सहयोग गरिदिनुहोला नसके माया साथ र हौसलामात्र भएपनि निरन्तर साथ दिईरहनुहोला ।

१९ बर्षदेखि अनवरत रूपमा यहाँहरू कै साथ र सहयोगले यहाँसम्म आईरहेको छ । हाम्रा निरन्तर संचालकहरू, सर्जगहरू र सँस्थापकहरू प्रति न्याभ परिवार आभारी छ । हाम्रा रेडियो संचालकहरू लोक राई र तिलक पोखरेल जस्ले अनवरत रूपमा यो मेलबर्न चौतारीलाई तपाई हाम्रो सामु प्रत्येक बिहीबार साँझ प्रत्येक हप्ता कार्यक्रम पस्किरहनु भएको छ वहाँहरूलाई धन्यबाद दिने कुनै त्यस्तो शब्द मैले शब्दकोशमा भेटेको छैन ।