‘मदर्स डे’ विशेष गायन प्रतियोगिता सम्पन्न

नेपलीज एसोसिएसन अफ भिक्टोरिया (न्याभ)द्वारा आयोजित  ‘मदर्स डे’ विशेष गायन प्रतियोगिता सम्पन्न भएको छ । न्याभले १२ मेको दिन अनलाइन गायन प्रतियोगिता आयोजना गरी भिक्टोरियामा रहेका आमाहरुलाई सहभागिताका लागि आह्वान गरेको थियो।

प्रतियोगितामा आठ जना आमाहरुको सहभागिता रह्यो, जसमा कुन्ता भट्ट प्रथम, गोमा कोइराला द्वितिय, ऋतिका भट्ट तृतिय हुनुभएको छ । उत्कृष्ट हुने तीन जना आमाहरुहरुलाई क्रमश: दुई सय डलर, एक सय पचास डलर र एक सय डलरको नगद पुरस्कार तथा अन्य सहभागि आमाहरु पुष्पा चुँडाल कंडेल, जमुना अधिकारी रिजाल, विनिता गौतम केसी, सुजता श्रेष्ठ, अनु कोइराला रेग्मीलाई पचास डलर बराबरको गिफ्ट कार्ड भौचर प्रदान गरिएको थियो।