नेपलीज शेपार्टन कम्युनिटीको होली विशेष कार्यक्रममा न्याभको साथ

नेपलीज शेपार्टन कम्युनिटीले रंगहरुको पर्व होली धुमधामका साथ मनाएको छ। गत मार्च १३ मा शेपार्टन इटालियन सोसल क्लबमा होली विशेष कार्यक्रम सम्पन्न भएको हो।

उक्त कार्यक्रममा नेपलीज एसोसिएसन अफ भिक्टोरिया (न्याभ)को साथ रहेको थियो। न्याभ अध्यक्ष राम गुरुङ कार्यक्रममा सहभागी हुनुभएको थियो भने शेपार्टन कम्युनिटीले न्याभको सहयोगको उच्च मूल्यांकन गर्दै आभार व्यक्त गरेको थियो।

नेपाली संस्कृतिको प्रबर्द्धनका लागि नेपलीज शेपार्टन कम्युनिटीको उक्त प्रयासलाई साउथ शेपार्टन कम्युनिटी सेन्टर, ग्रेटर शेपार्टन सिटि काउन्सिल, रोटरी क्लब, इथनिक काउन्सिल लगायत नेपाली संस्थाहरु न्याभ र दिदीबहिनी समाज भिक्टोरियाको साथ दिएका थिए। कार्यक्रममा काउन्सिलर, मेयर लगायत स्थानीय अधिकारीहरु अतिथिको रुपमा सहभागी हुनुभएको थियो।